Frá 16. febrúar, munu ómarktækar mæliniðurstöður birtast á loftgæðamælum á Hellisheiði og í Norðlingaholti vegna kvörðunar þeirra.

Reiknað var með að kvörðunin gæti verið lokið samdægurs en komið hefur í ljós að kvörðun mælitækjanna verður ekki lokið fyrr en eftir helgi.

Tilkynning mun birtast hér á síðunni þegar kvörðun er lokið og sjálfvirk birting mæliniðurstaðna aftur komin á.

Á morgun verður unnið að stillingum og prufumælingum við loftgæðamælistöðina í Norðlingaholti. Allar niðurstöður föstudagsins 3. febrúar verða því rangar og ómarktækar.

Það er von okkar að þessi prufukeyrsla taki ekki lengri tíma og hafi ekki óþægindi í för með sér fyrir þá sem fylgjast með mæligildum stövarinnar.

Fjarskipti við mælinn voru ekki virk frá 23. desember fram til 21. janúar sl. Kom þá í ljós að mælingar þann 2. janúar sl. höfðu verið yfir tilkynningarmörkum skv. reglugerð nr. 514/2010.

Tekið skal fram að um óyfirfarnar mælingar er að ræða og er unnið að úrvinnslu þeirra. Jafnframt mun HES halda áfram að leita skýringa á hækkuð mæligildum brennisteinsvetnis í loftgæðamælistöðinni í Hveragerði.

Á heimasíðunni hér til hliðar má nálgast óyfirfarnar rauntímamælingar úr mælistöðvunum þremur, Hveragerði, Norðlingaholti og Hellisheiðarvirkjun.

Mætt: Gunnar Þorkelsson, formaður, Páll Stefánsson, Svanborg Egilsdóttir, Unnsteinn Eggertsson, Guðmundur Geir Gunnarsson, Valur Bogason (gegnum fjarfundabúnað)  og Elsa Ingjaldsdóttir.

Pétur Skarphéðinsson boðaði forföll.

1)      Starfsleyfi til kynningar og afgreiðslu

Allar starfsleyfisumsóknir samþykktar án athugasemda nema  umsókn nr. 14. frestað.

2)      Iðnaðarsalt í matvælaframleiðslu.

Elsa Ingjaldsdóttir greindi frá málinu og fór yfir minnispunkta HES vegna þessa. Almennar umræður urðu um málið.

3)      Húsnæðismál.

Elsa Ingjaldsdóttir greindi frá fyrirhuguðum breytingum á húsnæði HES vegna flutnings menningarfulltrúa Suðurlands af Austurvegi 65 yfir á Austurveg 56. Jafnframt lögð fram tillaga að breytingum (teikningar) og yfirlit yfir skiptingu skrifstofukostnaðar og leigu HES á Austurvegi 56. Framlögð tillaga að breytingum innanhúss mun þrengja verulega að starfsmönnum HES.

Heilbrigðisnefnd Suðurlands telur óásættanlegt að þrengja frekar að starfsmönnum HES, sem búa nú þegar við mikil þrengsli og felur framkvæmdastjóra að skoða skipti á núverandi húsnæði menningarfulltrúans og starfsemi HES í tímabundnu hagræðingarskyni.

4)      Drög að bréfi HS til Umhverfisráðuneytis vegna tillagna UST.

Lögð fram drög að bréfi HS til Umhverfisráðuneytis er varðar tillögur Umhverfisstofnunar á breytingu á verkaskiptingu HES og UST.

Heilbrigðisnefnd Suðurlands samþykkir innihald bréfsins og felur framkvæmdastjóra að senda bréfið.

5)      Umhverfisstofnun, Kristín Linda Árnadóttir, forstjóri og Gunnlaug Einarsdóttir, sviðstjóri.

Frestað, þar sem gestir gátu ekki komið sökum ófærðar.

 Fleira ekki gert og fundi slitið kl. 14.45

Gunnar Þorkelsson, form.                 

Páll Stefánsson                     

Valur Bogason

Svanborg Egilsdóttir                        

Unnsteinn Eggertsson                      

Guðmundur Geir Gunnarsson

Elsa Ingjaldsdóttir                            

Óskum einstaklingum, fyrirtækjum og sveitarfélögum á starfsvæði okkar, gleðilegs árs, með kærri þökk fyrir samskipti og samstarf á liðnu ári. Megi árið 2012 verða Sunnlendingum farsælt og tryggja okkur áfram heilnæm matvæli, ómengaða náttúru og hreint umhverfi.

Starfsfólk Heilbrigðiseftirlits Suðurlands

haldinn föstudaginn

9. desember 2011, kl. 14.00 að Austurvegi 56, Selfossi

Mætt: Gunnar Þorkelsson, formaður, Páll Stefánsson, Svanborg Egilsdóttir, Unnsteinn Eggertsson, Guðmundur Geir Gunnarsson, Pétur Skarphéðinsson, Valur Bogason (gegnum fjarfundabúnað)  og Elsa Ingjaldsdóttir.

Formaður seti fund og bauð gesti frá Orkuveitu Reykjavíkur, þau Hólmfríði Sigurðardóttur, umhverfisstjóra, og Einar Gunnlaugsson, yfirmann auðlinda- og rannsóknasviðs, velkomna.

1)      Orkuveita Reykjavíkur v/Hellisheiðarvirkjunar.

Fulltrúar fyrirtækisins fóru yfir málefni Orkuveitunnar á Hellisheiði vegna vinnu HES við endurskoðun starfsleyfis virkjunarinnar.

Einar fór m.a. yfir almenn atriði eins og staðhætti, staðsetningu og fyrirkomulag virkjunarinnar. Gerði jafnframt grein fyrir niðurdælingu, neyðarlosun, dýpt hola, jarðfræði og vöktun.

Hólmfríður fór m.a. yfir dreifingu H₂S frá virkjun og tengsl við reglugerðarákvæði. Fór jafnframt yfir mismunandi kröfur íslensku reglugerðarinnar og Alþjóða heilbrigðismálastofnunarinnar (WHO) og hvaða þýðingu hinar ólíku kröfur þýða fyrir starfsemi OR.

Auk þess var einnig farið yfir sambærilega hluti er varða Nesjavallavirkjun.

Að endingu svöruðu þau fyrirspurnum nefndarmanna og spunnust almennar umræður um málið.

Þakkaði formaður Hólmfríði og Einari fyrir upplýsandi erindi og fyrir komuna. Véku þau síðan af fundi.

Ákveðið var að bíða með afgreiðslu á endurskoðun starfsleyfis meðan nefndin aflaði sér frekari upplýsinga enda starfsleyfi fyrir virkjuninni í fullu gildi.

2)      Starfsleyfi til kynningar og afgreiðslu.

Starfsleyfisumsóknir frá 1-10 samþykktar án athugasemda. Starfsleyfisumsókn nr. 11 samþykkt með fyrirvara um jákvæða afgreiðslu byggingafulltrúa og starfsleyfisumsóknir nr. 12-14 samþykktar með fyrirvara um jákvæða úttekt heilbrigðisfulltrúa.

3)      Mál úr eftirliti.

a)      Árborg v/leiksvæða.

Lagt fram til upplýsinga bréf HES, dags. 23. nóvember sl. er varðar úttekt á opnum leiksvæðum í sveitarfélaginu Árborg.

Framkvæmdastjóri gerði frekari grein fyrir málinu.  

b)      Árborg v/leikskóla.

Lagt fram bréf HES, dags. 2. desember sl. þar sem tilkynnt er um meðferð máls og mögulega beitingu þvingunarúrræða.

Heilbrigðisnefnd Suðurlands staðfestir afgreiðslu HES á ofannefndu bréfi og felur starfsmönnum HES að fylgja málinu eftir.

c)      Reykhúsið Útey – Til upplýsinga.

Framkvæmdastjóri greindi frá innköllun á taðreyktum silungi v/listeríu.

d)      Kjörís – Til upplýsinga

Framkvæmdastjóri greindi frá innköllun og endurmerkingu á nokkrum vörum vegna vanmerkingar, þar sem vantaði að gera grein fyrir sojalesitíni í innihaldslýsingu.

e)      Þykkvabæjar – Til upplýsinga.

Framkvæmdastjóri greindi frá innköllun og endurmerkingu á vöru vegna vanmerkinga þar sem vantaði að gera grein fyrir hveiti í innihaldslýsingu.

f)       Örn ehf.

Lagt fram bréf HES, dags. 8. desember sl. þar sem tilkynnt er um meðferð máls vegna vangoldinna eftirlitsgjalda.

Heilbrigðisnefnd Suðurlands staðfestir afgreiðslu HES á ofannefndu bréfi og felur starfsmönnum HES að fylgja málinu eftir.

g)      Fasteignafélagið Bær.

Lagt fram bréf HES, dags. 8. desember sl. þar sem tilkynnt er um meðferð máls vegna vangoldinna eftirlitsgjalda.

Heilbrigðisnefnd Suðurlands staðfestir afgreiðslu HES á ofannefndu bréfi og felur starfsmönnum HES að fylgja málinu eftir.

Fleira ekki gert og fundi slitið kl. 16.30

Gunnar Þorkelsson, form.                    Páll Stefánsson                        Pétur Skarphéðinsson

Svanborg Egilsdóttir                            Unnsteinn Eggertsson               Guðm. Geir Gunnarss.

Valur Bogason                                    Elsa Ingjaldsdóttir                               

Að upplýsingavefunum standa Iðnaðarráðuneyti, Umhverfisráðuneytið, Veðurstofa Íslands og Íslenskar orkurannsóknir auk Orkustofnunar.

Nálgast má vefinn á eftirfarandi slóð http://os.is/jardhiti/skjalftar/heim/

Fundargerð 6. aðalfundar Heilbrigðiseftirlits Suðurlands

haldinn 28. október 2011 í Vík.

 1. Aðalfundarstörf.

 a) Setning – formaður stjórnar.

 Gunnar Þorkelsson formaður, setti fundinn og bauð fulltrúa velkomna.

 b) 2. Kosning fundarstjóra og fundarritara.

 Formaður tilnefndi Ásgeir Magnússon og Elínu Einarsdóttur sem fundarstjóra og Ásthildi Lárusdóttur og Kolbrúnu Möggu Matthíasdóttur sem fundarritara.

 Tillagan var samþykkt samhljóða.

 Í lok máls síns fól formaður fundarstjórum stjórn fundarins.

 c) Kosning í kjörbréfa og kjörnefnd.

 Lögð var fram svohljóðandi tillaga að kjörbréfa- og kjörnefnd:

 Kjörbréfa- og kjörnefnd

 Aðalmenn:

 Jóna Sigurbjartsdóttir, formaður Skaftárhreppi

 Gunnar Þorgeirson, Grímsnes- og Grafningshreppi

 Aldís Hafsteinsdóttir, Hveragerðisbæ

 Gunnlaugur Grettisson, Vestmannaeyjabæ

 Ísólfur Gylfi Pálmason, Rangárþingi- Eystra

 Ari Björn Thorarensen, Sveitarfélaginu Árborg

 Ásgrímur Ingólfsson, Sveitarfélaginu Hornafirði

 Var tillagan samþykkt samhljóða og tók kjörbréfa- og kjörnefnd þegar til starfa.

 d) Gunnar Þorkelsson flutti skýrslu stjórnar.

Í máli hans kom fram að á árinu hafa verið haldnir 9 fundir. Fram kom að tvær stjórnsýslukærur bárust á árinu. Eldgos í maí sem er að verða árlegt, hafði áhrif starfsemina, efnainnihald öskunnar reyndist sem betur fer ekki alslæmt. HES tók út vatnsból ofl. vegna gossins. Stöðugildi eru 5 hjá Heilbrigðiseftirlitinu og brýnt er að bæta við hálfu stöðugildi, og þörf er á gjaldskrárhækkun til að mæta auknum kostnaði vegna fjölgunar fyrirtækja, aukningar á verkefnum, launahækkana og fl.

 Að lokum þakkaði hann nefndarmönnum, framkvæmdastjóra og starfsfólki öllu fyrir ánægjulega samvinnu á liðnum árum.

 e) Skýrsla framkvæmdastjóra.

 Elsa Ingjaldsdóttir, framkvæmdarstjóri, flutti ársskýrslu HES frá 2010. Hún sagði frá því að starfsmannafjöldi hefur verið sá sami frá því 2005. Eldgosið í Eyjafjallajökli var stærsta verkefnið ársins 2010 og eldgosið í Grímsvötnum á þessu ári einnig helsta verkefnið þó það hafi ekki verið eins stórt í sniðum og hið fyrra.

 Hún fór yfir ma. málefni sorpbrennslustöðva v/díoxínmengunar, niðurstöður eftirlitsverkefna, fyrirhugaðar breytingar á matvælalögum v/sölu matvæla í góðgerðarskyni, beitingu þvingunaraðgerða ofl. Einnig kom fram hjá Elsu að ákveðið hefur verið að fara í endurskoðun á starfsleyfi Orkuveitunnar og er sú vinna farin af stað. Eins vakti hún athygli á fráveitumálum sveitarfélaga og hvatti þau sem enn eiga eftir að gera úrbætur hjá sér að gera það sem fyrst.

 Að lokum þakkaði Elsa fyrrverandi heilbrigðisnefnd, formanni, starfsmönnum og sveitarstjórnarmönnum fyrir samstarfið.

 f)  Niðurstaða kjörnefndar um lögmæti fundarins.

 Jóna Sigurbjartsdóttir, formaður kjörbréfa- og kjörnefndar kvaddi sér hljóðs og gerði grein fyrir kjörbréfum. Gild kjörbréf eru 53 en alls voru mættir 39 aðalfulltrúar og 4 varamenn mættir 10 eru fjarverandi. Fundurinn úrskurðast því lögmætur.

 g)  Ársreikningur 2010.

 Elsa Ingjaldsdóttir fór yfir ársreikning ársins 2010 þar kom fram að rekstrartekjur voru 64,3 milljónir og rekstrargjöld 59,5 og rekstrarhagnaður að teknu tilliti til fjármagnsliða var 5,5 milljónir, m.a. vegna ríkisstyrks vegna eldgossins í Eyjafjallajökli upp á 4.7 milljónir.

 i) Tillaga að fjárhagsáætlun 2012.

 Elsa Ingjaldsdóttir kynnti fjárhagsáætlun 2012.

 Helstu tölur er að rekstrartekjur verði um 64,160 m.kr. og rekstrargjöld um 64,345 m.kr.

 j)  Tillaga að gjaldskrá.

 Lögð fram tillaga að gjaldskrá Heilbrigðiseftirlit Suðurlands þar sem gert er ráð fyrir 5% heildarhækkun.

 Fundarstjóri gaf orðið laust.

 Til máls tóku: Ari Björn Thorarensen og Gunnar Egilsson.

 Fundarstjóri bar upp til samþykktar, skýrslu formanns, skýrslu framkvæmdastjóra, ársreikning HES fyrir árið 2010 og fjárhagsáætlun ársins 2012.

 Ársskýrsla 2010, ársreikningur 2010, fjárhagsáætlun 2012 og gjaldskrá HES fyrir 2012 samþykkt samhljóða.

 k)  Kosning skoðunarmanna ársreikninga og varamenn þeirra.

Aðalmenn: 

Guðmundur Þór Guðjónsson, Hveragerði

Drífa Kristjánsdóttir, Bláskógabyggð

 Varamenn:

 Egill Sigurðarson, Ásahreppi

 Sandra Dís Hafþórsdóttir, Sveitarfélaginu Árborg

 Tillögur kjörnefndar bornar undir atkvæði og samþykktar samhljóða.

 2. Almennar umræður.

 Fundarstjóri gaf orðið laust en engin kvaddi sér hljóðs.

 3. Fundarslit.

 Gunnar Þorkelsson tók til máls og þakkar fyrir góðan fund og sleit fundi kl: 15.58

Mætt: Gunnar Þorkelsson, formaður, Páll Stefánsson, Svanborg Egilsdóttir, Unnsteinn Eggertsson, Guðmundur Geir Gunnarsson, Pétur Skarphéðinsson og Elsa Ingjaldsdóttir.

Jafnframt sátu fundinn Birgir Þórðarson, María B. Guðnadóttir, og Rut Áslaugsdóttir.

Valur Bogason boðað forföll. Varamaður hans komst heldur ekki.

Formaður setti fund og gengið var til dagskrár.

1)      Starfsleyfi til kynningar og afgreiðslu

Öll starfsleyfin samþykkt nema starfsleyfisumsóknir nr. 14, 17, 20, 21, 22, 23, samþykkt með fyrirvara um jákvæða úttekt heilbrigðisfulltrúa og eftir atvikum, lögbundinn auglýsingatíma starfsleyfis.

Starfsleyfisumsókn nr. 15 hafnað þar til fyrirliggja fullnægjandi niðurstöður á neysluvatni.

2)      Tilnefning fulltrúa í vatnasvæðisnefndir á svæðum 3 og 4 sbr. vatnatilskipunin og flokkun vatnshlota.

Lagður fram tölvupóstur ásamt fylgigögnum frá Umhverfisstofnun þar sem óskað er eftir tilnefningu frá Heilbrigðisnefnd Suðurlands í vatnasvæðanefndir nr. 3 og 4.

Heilbrigðisnefnd Suðurlands samþykkir að tilnefna Birgi Þórðarson sem aðalmann og Sigrúnu Guðmundsdóttur sem varamann í báðar nefndirnar.

 3)      Orkuveita Reykjavíkur v/Hellisheiðarvirkjunar.

Elsa og Birgir gerðu grein fyrir fundi HES með Orkuveitu Reykjavíkur vegna Hellisheiðarvirkjunar. Málefni fundarins var endurskoðun starfsleyfis OR v/Hellisheiðarvirkjunar, niðurdæling affalsvatns, vöktun grunnvatns ofl.

Málið rætt.

Heilbrigðisnefnd Suðurlands felur starfmönnum HES að vinna að endurskoðun starfsleyfisskilyrðanna og skulu þau lögð fram á næsta fundi nefndarinnar til afgreiðslu í samræmi við ákvæði reglugerðar nr. 785/1999.

4)      Mál úr eftirliti.

a)      Möguleg matarborin sýking í Gnúpverjahreppi

Lagt fram til upplýsinga minnisblað HES vegna málsins.

5)      Aðalfundarmálefni.

a)      Aðalfundargögn.

Farið yfir aðalfundargögnin, fyrirkomulag fundarins rætt. 

b)      Tillaga fjárhagsnefndar SASS.

Lagðar fram og kynntar, tillögur fjárhagsnefndar SASS frá 12. október sl. en tillögur sem bera á framá aðalfundi skulu, skv. samþykktum HES,  sendast stjórn HES amk. 3 vikum fyrir aðalfund.

Tillögum fjárhagsnefndar SASS því vísað til umræðu undir dagskrárliðnum ,,Önnur mál“ á aðalfundi HES á morgun.

6)      Annað.

a)      Umsögn vegna ræktunar á erfðabreyttu byggi.

Lagt fram bréf Umhverfisstofnunar ásamt drögum að starfsleyfiskilyrðum fyrir ORF líftækni ehf. vegna starfsemi með erfðabreyttar lífverur í Landbúnaðarháskólanum að Reykjum, Ölfusi.

Heilbrigðisnefnd Suðurlands áréttar að varlega sé farið við starfsemi af þessu tagi og tryggt skuli að erfðabreyttar lífverur berist ekki í umhverfið. Starfsmönnum falið að gefa umsögn í samræmi við umræðu á fundinum.

b)      Kæra vegna sorphirðuútfærslu í Bláskógabyggð.

Lagt fram til upplýsinga afrit af bréfi UMHVR, dags. 21. september 2011, til Landssambands sumarhúsaeigenda þar sem kæru þeirra á hendur UST og HES vegna málsmeðferðar varðandi framkvæmd úrskurðar um staðsetningu sorpíláta í Bláskógabyggð er vísað frá en UST falið að leiðbeina HES um framkvæmd. Einnig lagt fram eldra bréf frá HES til Landssambandsins um sama mál, dags. 12. júlí 2010.

c)      Haustfundur.

Framkvæmdastjóri upplýsti um nýafstaðin haustfund Samtaka heilbrigðiseftirlitssvæða með aðkomu UMHVR/UST og SLR/MAST. Á fundinn fóru allir starfsmenn HES enda fundurinn samræming og fræðsla fyrir heilbrigðisfulltrúa landsins.

Fleira ekki gert og fundi slítið kl. 20.00

Gunnar Þorkelsson, form.                    Páll Stefánsson                        Pétur Skarphéðinsson

Svanborg Egilsdóttir                            Unnsteinn Eggertsson               Guðmundur Geir Gunnars

Elsa Ingjaldsdóttir                                Birgir Þórðarson                      María B. Guðnadóttir

Rut Áslaugsdóttir